ក្រចេះ៖ មេបញ្ជាការកងរាជអាវុធហត្ថលើផ្ទៃប្រទេស នាយឧត្តមសេនីយ៍ សៅ សុខា បានបញ្ជាឲ្យអាវុធហត្ថខេត្តក្រចេះបំផ្ទុះឡានដឹកឈើពីរគ្រឿងកម្ទេចចោលបន្ទាប់ពីត្រូវចាប់បានកាលពីថ្ងៃទី១ ខែធ្នូកន្លងទៅ។
រថយន្តដែលត្រូវកម្ទេចចោលដោយការបំផ្ទុះ ឆេះចេញផ្សែងខ្មៅខ្មួលខ្មាញ់នេះជាប្រភេទរថយន្ដសាំយ៉ុងកែច្នៃ ដែលជាមធ្យោបាយដឹកជញ្ជូនបទល្មើសព្រៃឈើតែម្ដង។ ហើយបើមើលទៅរូបភាពពេលដែលចាប់បានគឺដឹកយ៉ាងព្រហើនទៀត។
សូមបញ្ជាក់ថា រថយន្តដែលកម្លាំងបានធ្វើការបំផ្ទុះនេះគឺកម្លាំងកងរាជអាវុធហត្ថខេត្តក្រចេះ សហការជាមួយកម្លាំងកងរាជអាវុធហត្ថខេត្តកំពង់ចាម បានបង្ក្រាបកាលពីវេលាម៉ោង១១:៣០នាទី ថ្ងៃទី០១ ខែធ្នូ ឆ្នាំ២០២២ ដោយរថយន្តទាំងពីគ្រឿងនេះបានការដឹកជញ្ជូនបទល្មើសព្រៃឈើ នៅចំណុចភូមិឈើទើ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម៕
